Í bili allavega. Fór í fýlu út í blog.central og færði mig yfir á moggabloggið. Kíkið í heimsókn. Veit ekkert hvort það endist en ætla að prufa.

Slóðin er  http://oddrunin.blog.is/blog/oddrunin

Bleble, Oddrúnin. 

Ég er að fara til tannlæknis í fyrramálið...

Ég braut tönn fyrir jól,,, já fyrir jól,,, og hef ekki gefið mér tíma til að fara til tannlæknis

Nú er ég komin með tannpínu

Ég kvíði mikið fyrir þessu og er búin að hjakka á milli tannanna með tannþræði í allan dag,,, er orðin pínu aum í gómnum

Ætli ég sofi nokkuð

,,,,,,,,, Farin að bursta,,, aftur

bleble.....

Það er svo gaman hjá mér að lesa að ég gef mér lítinn tíma í annað. Kláraði þriðja táknið um síðustu helgi og var að byrja á DaVinci lyklinum. Ég held að ég verði aðeins lengur með hana,,, en það er nú samt ekkert víst. Ég er frekar fljót að lesa. Ég mæli með þessu, þetta er svo miklu skemmtilegra en að horfa á sjónvarpið.

Ólöf er líka búin að vera dugleg að lesa. Hún er að lesa Spiderwick bækurnar og sekkur alveg í þær.

Gaman hjá okkur

Bleble, Oddrúnin

Er helvíti flottur og mig langar á tónleikana...

Er ekki búin að kaupa miða

Var að kaupa miða

Verð á B svæði á föstudeginum... úje  

Jámm, er að lesa þessa dagana. Er nánast hætt að horfa á sjónvarpið af einhverjum óskiljanlegum ástæðum. Núna er ég komin í bólið um 22:00 á kvöldin alveg æst að byrja að lesa

Var að klára Ólöfu eskimóa. Þar áður las ég eftirmála eftir Njörð p. Njarðvík. Hafði lesið bókina ekkert mál þegar ég var unglingur og fannst því skylda mín að lesa eftirmálann. Þetta er rosaleg bók og ég var hálf dofin eftir að ég var búin að lesa hana. Hún er samt fljótlesin og var ég ekki nema einn dag með hana, uppi í sumarbústað.

Núna er ég að lesa þriðja táknið og hún lofar góðu.

Þangað til næst...

Mér finnst þær ferlega góðar. Einhverra hluta vegna borða ég samt alltaf súkkulaðið utan af þeim og hendi rúsínunni

Mér finnst jólakökur líka góðar,,, þegar ég er búin að pilla rúsínurnar úr

Grjónagautur finnst mér æði,,, með rúsínum. Þá pilla ég þær ekki úr

Ég er kannski pínu spes... en það er allt í lagi.

Kveðja, Oddrún rúsína.

Fór til Röggu súðustu helgi og hún bauð upp á Sushi. Næsta skref er að útvega sér svona græjum og fara að búa mér til sjálf. Mikið assgoti var þetta gott. Algjört nammi Takk fyrir mig. Skemmtum okkur vel við góða tónlist og svo kíktu Ingvar og Nansý á okkur seinna um kvöldið.

Fyrir einhverju síðan setti ég inn svona lista yfir 25 mest spiluðu lögin á i-tunes hjá mér. Listinn kom mér frekar mikið á óvart, en nú ætla ég að setja aftur inn lista, topp 25, staðan í dag. Ætti að vera skemmtilegt

1. Wishmaster – Nightwish
2. Deep silent complete – Nightwish
3. Over the hills and far away – Nightwish
4. Walking in the air – Nightwish
5. The kinslayer – Nightwish
6. Alive – Pearl Jam
7. Deus – Sugarcubes
8. Sacrament of wilderness - Nightwish
9. Black – Pearl Jam
10. Even Flow – Pearl Jam
11. The Rose – Bette Midler
12. Oh to be in love – Kate Bush
13. December will be magic again – Kate Bush
14. Why go – Pearl Jam
15. Wasted time – Skid Row
16. Summer’s almost gone – Spilverk þjóðanna
17. Never say goodbye – Bon Jovi
18. Wuthering Heights – Kate Bush
19. It’s only a paper moon – Ella Fitzgerald
20. Isolation – John Lennon
21. Carmen – Maria Callas
22. Fade to black – Metallica
23. Holy Mountains – System Of A Down
24. Urge for going – Joni Mitchell
25. Velkomin - Kabarett

Tek eftir því þegar ég skoða þennan lista að hún Ólöf mín á heiðurinn af flestum lögunum á þessum lista. Hún á allavega allan Nightwish, Mariu Callas, System of a down og Kabarett. Næst tek ég listann úr heimilistölvunni, það ætti að vera mest frá mér. Þessi listi virðist allavega ekki gefa mynd af því sem ég er að hlusta mest á

Jæja, nenni ekki meiru. Er að spá í að fara annaðhvort í bíó eða leigja mér mynd. Ég er í fríi á morgun og ætla að njóta þess í botn. Vei gaman...

Bleble í bili, Oddrúnin.

Verð að vinna í allt sumar, reyndar í fríi í 2 vikur en er búin að pota mér á aukavaktir seinni vikuna svo mér leiðist ekki,,, reyndar vegna þess að ég hef ekkert efni á því að fara í frí svo mig vantar peninginn

Annars er ég mjög svo ánægð með þetta sumar, eða það sem komið er, þvílíka dásamlega blíðan. Alveg að fíla þetta.

Hef svosem ekkert að segja, fannst ég bara verða að tjá mig eitthvað hérna.

Bleble, Oddrúnin

Ég útskrifaðist sem þroskaþjálfi síðastliðinn laugardag. Þetta var frábær dagur í alla staði. Athöfnin sjálf ekki eins löng og ég héllt að hún yrði og frábær tilfinning að fara þarna upp á sviðið og taka á móti skírteininu mínu. Líka alveg frábært að horfa yfir hópinn og sjá allar þessar frábæru stelpur sem eru búnar að ganga í gegnum þessi yndislegu þrjú ár með mér í skólanum fá sín skírteinu. Þetta eru svo frábærar stelpur og ég á eftir að sakna þeirra mikið. Hjartanlega til hamingju Lilja með verðlaunin, þú áttir þau skilið.

Þegar heim var komið lagði ég svo lokahönd á veislu undirbúninginn og svo fór allt að fyllast af fólki. Frábær dagur en fólk hefði mátt borða og drekka meira,,, díses hvað það var mikið eftir af veitingum

Um kvöldið kom svo yngri kynslóðin og skemmti sér    Ég var reyndar orðin verulega þreytt en ég skemmti mér samt rosa vel, sleppti því bara að djamma

En allavega,,, takk kærlega fyrir mig allir saman. Þessi dagur var dásamlegur í alla staði.

Bleble, Oddrún þroskaþjálfi  

Búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin, búin.............

Fékk tvær áttur og eitt staðið. Hamingja og gleði, gleði og hamingja, hamingja og gleði, gleði og hamingja ..... búbbúrú....

Takk fyrir takk, skíttíðig bless... búin með skólann, sátt og sæl... og allt það...

Yfir og út, Oddrúnin,,,,,, aaaaaaalveg bara bráðum orðin þroskaþjálfi og BÚINBÚINBÚINBÚIN í skólanum  

Vúhú,,, I'm on fire. Keypti bón í gær og er að nota það í dag. Þetta er ótrúlega skemmtilegt. Tónlistin í botn og moppan þeysist fram og aftur... oftast á undan mér

Svo er lokahófið í kvöld og ég kveð bekkinn minn    Langar ekki að kveðja þær. Gæti alveg hugsað mér að vera í skólanum eitt ár í viðbót. En það verðuR gaman í kvöld og Oddrúnin ætlar ekki að hemja sig. Nú verður fagnað ærlega.

Jiiiii hvað ég hlakka til

Bleble í bili, farin að bóna eitthvað meira  

Vinstri grænir, að sjálfsögðu. Óumdeilanlega sigurvegararnir

Sjálfstæðismenn eru að vísu líka sigurvegarar, en sigur vinstri grænna er tvímælalaust sætari. Ríkisstjórnin að vísu ekki fallin, en ég ætla ekki að láta það skemma fyrir mér að svo stöddu. Læt næstu daga ráða því hvort þetta verði skemmilagt fyrir mér. Núverandi stjórn má ekki halda velli.

Landsmenn sýndu það svo sannarlega að þeir treysta ekki Framsókn og það væri tóm vitleysa hjá þeim að túlka niðurstöður kosninganna á annan hátt. Nú er komið að þeim að taka hatt sinn og kveðja

Bleble, Oddrún,,, væn og sæl, vinstri græn

Já dúllurnar mínar. Stórum áfanga í mínu lífi er lokið. Ekki sá stærsti á árinu samt, en stór var hann þó.

Þetta ár er nefnilega uppfullt af stórum áföngum hjá mér. Í gær flutti ég kynningu á lokaverkefninu mínu í Skriðu, sem er fyrirlestrarsalur í skólanum. Mæting var þokkaleg og ég var sérstaklega ánægð að sjá hvað það voru margir sem ég þekkti þarna. Þessvegna vil ég endilega halda því fram að fólk hafi verið að koma til þess að sjá mig Má það alveg sko

Eins og ég var búin að vera kvíðin yfir þessu, þá gekk svo vel hjá mér að ég er að rifna úr monti núna. Það gekk vel hjá okkur öllum og ég er ótrúlega stollt að tilheyra þessum góða hópi fólks. Við erum æði

Annar stór áfangi hjá mér verður þegar ég skila lokaritgerðinni minni til B.A. gráðu. Það er í næstu viku sem ég geri það.

Enn annar stór áfangi verður 16. júní þegar ég útskrifast sem þroskaþjálfi. Það verður GÓÐUR dagur.

Oddrún er ekki búin enn og nefnir annan stóran dag. 21. maí byrja ég í nýrri vinnu. Það er nú aldeilis stór áfangi líka.

Og fyrst ég er að tala um stóra áfanga í lífinu,,, sem virðast hellast yfir mig á eina og sama árinu,,,

þá verð ég þrítug á morgun

Læt þetta duga í bili. Hlakka til að takast á við nýtt og betra líf, síung, í þrítugum líkama

Bleble, Oddrúnin, að verða þrítug

Ég hélt ég myndi „kúka" í mig úr hlátri........

Draugadrjóli: Þú finnur hann koma út en það er enginn kúkur í klóinu þegar þú kíkir.

Hreinn skítur: Sá sem þú skítur og sérð í skálinni en það er ekkert á skeinipappírnum.

Eltikúkur: Þegar þú ert búin að kúka og búin að girða hálfa leið upp um þig og fattar að þú þarft að kúka meira.

Sprengja-æð-í-enninu hnulli: Sá sem þú þarft að hafa svo mikið fyrir að koma frá þér að þú færð næstum slag.

Dauðadrumbur: Svo ógeðslega stór að þú þorir ekki að sturta án þess að búta hann í sundur með blýanti.

Loftpressukúkur: Kemur með svo miklum látum að allir í kallfæri flissa.

Þynnkuskita: Kemur eftir fyllerí. Helsta einkenni hans eru bremsuförin í skálinni.

Maískúkur: Skýrir sig sjálfur.

Ohh-ég-vildi-að-ég-gæti-kúkað kúkur: Þú þarft að kúka en situr bara á dollunni og fretar.

Mænustunguskítur: Þessi er svo brjálæðislega sársaukafullur að þú ert viss um að hann er á leiðinni út þversum.

Rasskinnableytuþrumari (Orkuþrumari): Fer út á svo miklum hraða að afturendinn á þér rennbleytist af klósettvatni.

Fljótandi drulla: Gulbrúnn vökvi frussast út um alla skál og rassgatið á þér með.

Háklassakúkur: Kúkur sem lyktar ekki.

Óvæntur kúkur: Þú ert ekki einu sinni á klóinu því þú hélst að þú þyrftir bara að prumpa en... úps, sparð.

Slórskítur: Kúkurinn losnar ekki frá rassgatinu á þér þó þú sért búin að kúka fyrr en þú hristir þig vel.

Atómsprengja: Þig svíður undan þessum á leiðinni út og svíður enn í marga klukkutíma á eftir.

Skopparakúku: Hörð spörð sem fara eins og skopparaboltar um alla skálina (kostur þarf lítið að skeina)

Mikilmennskukúkur: þú rembist og rembist og svo kemur eitt pínulítið lambasparð.

Íþróttaálfurinn: kemur ca. klukkutíma eftir leikfimina.

Klippikúkur: sem er svo langur að þú þarft að kúka - klippa - kúka - klippa...

...þá dettur mar oft niður á sniðuga og skemmtilega hluti á netinu. Vildi deila einu með ykkur

Nokkrir gullmolar úr læknaskýrslum:

- Að höfðu samræði við lækni féllst hann á að koma sjálfviljugur inn.

- Á öðrum degi var hnéð betra og á þriðja degi var það alveg horfið.

- Daginn fyrir innlögn borðaði hún kvöldmat á eðlilegan hátt með kjötbollum.

- Eðlileg augnskoðun fyrir utan sérkennilegt andlitsfall...

- Eftir það var hún í samkvæmi...

- Fékk vægan verk undir morgunsárið...

- Hún hefur þroskast eðlilega framan til...

- Hún rann til á svelli og virðist að lappirnar á henni hafi farið í sitt hvora áttina í byrjun desember.

- Húðin var rök og þurr.

- Misnotaði áfengi í óhófi áður fyrr...

- Móðir getur látið barnið sitja með því að setja fæturna í hring...

- Nú er svo komið fyrir henni að hún getur að mestu hjálpað sér sjálf...

- Saga er fengin hjá uppgefnum ættingjum...

- Sjúklingur á vanda til að fara austur í sveit um helgar. Þar datt undan henni hestur...

- Sjúklingur var í morgun að drekka te og borða maís þegar að bar mann sem heitir Kristmundur.

- Skoðun við komu leiðir í ljós unglingspilt...

- Tekin var mynd af sjúklingi sem sýndi breytingar í Hafnarfirði...

- Við komu á spítalann var sjúklingur fljótlega skoðaður af undirrituðum og kemur þá í ljós að um er að ræða 46 ára karlmann sem er mjög þrekvaxinn og vöðvastæltur...

- Við rectal exploration fannst stækkaður skjaldkirtill...

- Við skoðun á sjúklingi kemur fram áberandi kyndeyfð...

- Við skoðun eru engar eitlastækkanir að gagni...

- Það sem fyllti mælinn var þvagleki...

- Það vottar fyrir gyllinæð hægra megin á kálfa...

- Þegar hann var lagður inn hafði ör hjartsláttur stoppað og honum leið betur.

- Þessi maður veit ekkert um skyldleika í ætt....

- Sjúklingur batnar ef lagst er ofan á hann...

- Sjúklingur borðar reglulegt mataræði...

- Sjúklingur er ekki þekktur fyrir að fremja sjálfsmorð.

- Sjúklingur er fertug, að öðru leyti ekkert athugavert.

- Sjúklingur er svo hress að hann gæti gengið langleiðina til Akureyrar...

- Sjúklingur er tilfinningalaus frá tá og niður úr.

- Sjúklingur fékk sér vöfflur í morgunmat og var kominn með lystarstol í hádeginu.

- Sjúklingur fékk þá mjög langsótt kvef...

- Sjúklingur fær verki í bringuna ef hún liggur á vinstri hlið lengur en í eitt ár.

- Sjúklingur hefur aldrei fundið fyrir þessum verkjum nema þegar hann vaskar upp í sumarbústað - en er ráðlagt eftirlit ef verkirnir koma fram við önnur tækifæri...

- Sjúklingur hefur átt við gott heilsufar að stríða...

- Sjúklingur hefur fremur óbærilega verki...

- Sjúklingur hefur formlegar hægðir...

- Sjúklingur hefur skilið eftir hvítu blóðkornin á öðrum spítala.

- Sjúklingur hefur verið að þyngjast af asmanum sl. sólarhring...

- Sjúklingur hefur verið mædd sl. fimm ár...

- Sjúklingur hefur verið niðurdreginn alveg síðan hann byrjaði að hitta mig 1983.

- Sjúklingur lenti á parketgólfi og bar fyrir sig höndina með þeim árangri að hún brotnaði...

- Sjúklingur hefur verið í vandræðum með gervifótinn en hann hefur haft fjóra fætur frá því að hann lenti í slysinu, en þann síðasta fékk hann í apríl sl.

- Sjúklingur lærði söngnám...

- Sjúklingur tekur engin lyf en magnyl þess á milli...

- Sjúklingur tárast og grætur stöðugt. Virðist líka vera niðurdreginn.

- Sjúklingur var í góðu ásigkomulagi þangað til flugvélin hans varð eldsneytislaus og hrapaði.